Palimos

Magrasang damit ng batang madungis
tyang gutom at katawa'y malangis;
palaboy-laboy sa eskinita,
pagala-gala sa kalsada,
uupo sa sulok may katabing lata,
limos na inaabot ang lata
sa mga tao - nagmamakaawa
para makakuha kahit kaka-unting barya.

Paglipas ng hapon at pagsapit ng gabi
walang paligo at katawa'y makati.

Ang naipon nyang pera
kulang kulang sampu ang halaga.

'Di na matiis ang gutom nagkalkal ng basura
sa tagal walang makita;
nainip, nakatulog ng padapa,
ang naipong barya
idadagdag nalang bukas sa lata.

Read This on Wattpad: http://www.wattpad.com/50901980-tula-palimos
Follow Me on Wattpad: http://www.wattpad.com/user/kagesa

Read More

Masambit Mo Pa Kaya?

Nasasabi mo pa ba na "Kamusta ka?"
Sa dami ng mga kung anong bagay na iyong ginagawa?
Nasasabi mo rin ba na "Kailangan kita"
O hindi na dahil sa makasarili ka?

Nasasabi mo pa ba na "Masaya akong kasama ka"
Sa kabila ng mga problema mong karamay kita?
Nasasabi mo rin ba na "Ingat ka ha!"
Sa araw araw ng pamumuhay mo, ako kaya'y naaalala pa?

Mahirap intindihin at masakit isipin
At sadyang nakakabobong unawain
Na ang taong malapit sayo,
Siya pa ang nanakit sayo.

Read This on Wattpad: http://www.wattpad.com/50903280-tula-masambit-mo-pa-kaya
Follow Me on Wattpad: http://www.wattpad.com/user/kagesa

Read More